Det er den organiserte idretten som vert løfta fram i denne ordninga, og den daglege aktiviteten i idrettslaga lokalt. Aktiviteten skal understøttast og vere med på å styrke idrettslaga si rolle i lokalsamfunna slik at det kan stimulere til vidare rekruttering og utvikling.
Tildelinga har to overordna målsetnader:
- Styrke idrettslaga si rolle og funksjon i lokalsamfunnet.
- Stimulere frivilligheita og aktivitetstilboda i idrettslaga i heile fylket.
Følgjande kriterium er av fylkeskommunen vedtatt å ligge til grunn for ordninga:
Prioriterte område:
- Styrke den organiserte idrettsaktiviteten for barn, ungdom og unge vaksne, gjennom:
- Styrke og vidareutvikle eksisterande tilbod.
- Støtte til utvikling av nye aktivitetar eller gjenopptak av aktivitet som har "lagt nede".
- Tiltak som får med fleire nye eller at fleire blir med lenger (hindre fråfall).
- Tiltak som reduserer kostnad for den som skal delta, som gjer at fleire kan vere med.
- Styrke den frivillige innsatsen i idrettslaga, gjennom:
- Tiltak som kan rekruttere fleire til ulike verv, til dømes trenarar, dommarar, leiarar og andre tillitsvalde - samt alle som er med på å støtte opp om og legge til rette for organisert idrettsaktivitet.
- Tiltak som gjer det lettare å delta som frivillig.
Andre prioriteringar og avgrensingar:
- Tiltak som gir ein langvarig effekt på overordna målsetnad vert prioritert.
- Tiltaket må vere i tråd med Norges idrettsforbund sin visjon og verdigrunnlag.
- Anlegg som inngår i spelemiddelordningane vil ikkje få støtte (nærmiljøanlegg og ordinære idrettsanlegg).
- Alle idrettslag i Vestland tilslutta Norges idrettsforbund kan søke. Særidrettsgrupper i fleiridrettslag må avklare sin søknad med hovudstyret i idrettslaget.
- Øvre søknadssum kr. 50 000 per idrettslag eller gruppe i idrettslaget.
Praktiske opplysningar:
- Løyvinga har tildeling både i 2022 og 2023, og har difor to søknadsfristar: 15. november 2022 og 15. mars 2023.
- Det er mogleg å søke til begge fristane, men maks tildeling totalt per søkar er kr. 50 000,-
- Søknad skjer i eige skjema, og alle vil motta stadfesting på innsendt søknad.
- Vi reknar 4-6 veker i tid til handsaming av søknadane etter søknadsfristen er gått ut.
- Rapportering må skje seinast 1 år etter tildeling.