Ungdomsutvalet i Vestland idrettskrets består av idrettsengasjert ungdom som jobbar for å styrke ungdomsidretten i fylket. Konkrete oppgåver er:
- drøfting av ulike saker av betydning for ungdomsidrett (ungdomsutvalet har tett kontakt med idrettskretsstyret gjennom ung representant i styret)
- planlegging og gjennomføring av ulike møteplassar for ungdom
- marknadsføring/rekruttering av deltakarar til leiarkurs for ungdom
- klubbesøk med tema ungdomsidrett
Ungdomsutvalet er spesielt opptatt av ung medbestemmelse, ungt engasjement, fellesskap/samhald i ungdomsidretten, og fleire med - lenger.
Kor ofte er det møte?
Utvalet har regelmessige møte gjennom året, og det varierer mellom digitale og fysiske møte. Kor mange møte er det utvalet sjølv som bestemmer, men som regel er det møte i framkant av idrettskretsstyret sine møte, det vil seie om lag ein gong per månad. Det er også ei årleg samling med overnatting saman med idrettskretsen sitt styre og dei som jobbar i administrasjonen.
