Inkluderingsfond

Styret i idrettslaget: 

• Gjere eit vedtak om å opprette ei slik ordning i idrettslaget, med avsette øyremerka midlar til føremålet, retningslinjer og ansvarlege personar som følgjer opp ordninga
  • Styret kan vedta å opprette eit eige utval eller oppnemne personar/roller som skal ha ansvaret for ordninga 
  • Styret må vedta retningslinjer 
  • Midlar i inkluderingsfondet bør stå på eigen konto 
• Etter tildeling av midlar til inkluderingsfondet må idrettslaget føre anonymisert oversikt og rekneskap for bruken av midlane
• Ordninga skal reviderast saman med idrettslaget sin rekneskap
• Idrettslaget må ha rutinar for å slette personleg informasjon 
• Idrettslaget må rapportere til Sparebankstiftinga Sogn og Fjordane når midlane er brukt opp. Det vil då vere mogleg å søke om tilføring av nye midlar. 

Døme: 

• Treningsavgift  
• Lisens 
• Reisekostnadar
• Ulike eigenandelar ved deltaking på konkurranse/arrangement (startkontingent, turneringsavgift og liknande) 
• Nødvendig personleg utstyr  

Lista er ikkje uttømmande.

Inkluderingsfondet skal ikkje dekke medlemskontingenten. Merk at minimumskravet for medlemskontingent er kr. 50,- per medlem (medlemskontingenten vert vedteken på idrettslaget sitt årsmøte).   

Døme ved dekking av andre kostnader: 

Treningsavgift: 

• Utbetaling/refusjon frå idrettslaget til den enkelte
• Intern overføring frå inkluderingsfondet til aktuelle gruppe/grein, som inntektsfører beløpet

Treningsutstyr, døme på løysingar:  

• Rekvisisjon til sportsbutikk på at personen kan få hente ut utstyr. Sportsbutikk sender faktura til klubben 
• Betale ut summen det er søkt om til den enkelte, som i etterkant må levere dokumentasjon på kva pengane har gått til 

Tildeling frå inkluderingsfondet må vere basert på søknad/henvending til idrettslaget. Søknaden må vere minst mogleg byråkratisk og det må vere låg terskel for å ta kontakt med dei ansvarlege personane/utvalet i idrettslaget. Her kan idrettslaget finne fleire ulike framgangsmåtar som høver for sin organisasjon: 

• Opprette eit enkelt søknads-/kontaktskjema 
• La det vere mogleg å ta kontakt på epost/sms/tlf til kontaktpersonar for ordninga. Legg i tilfelle kontaktinformasjon godt synleg. 
• Ordninga bør vere tillitsbasert. Det skal ikkje vere naudsynt for den som tek kontakt å levere skriftleg dokumentasjon på kvifor ein treng støtte. Terskelen for å ta kontakt for å få hjelp til å dekke kostnadar er ofte høg.  
• Det er dei oppnemnte personane/utvalet som handsamar søknadane. Oppnemnde personar/utval handsamar søknadane konfidensielt og er kjent med reglar for personvern.   
• Idrettslaget må føre oversikt på kva kostnadar som vert dekka av dei avsette midlane (sjå minimumskrav under)

Idrettslaget bør informere tydeleg på sine nettsider/informasjonskanalar om  ordninga. Det vil seie kva midlane kan gå til, korleis ein søker og kven ein kan henvende seg til. Det er viktig å jobbe aktivt for at ordninga vert kjent blant både dagens medlemmar og dei som ynskjer å bli det.

Det er også viktig at alle grupper i fleiridrettslaget som organiserer aktivitet for barn og unge er kjent med ordninga, samt lagleiarar, trenarar, økonomiansvarlege og andre ressurspersonar i og rundt idrettslaget. 

• Bruk nettsider/sosiale medium til å informere om ordninga
• Informer på årsmøte, gruppestyremøte, foreldremøte, samt andre aktuelle møteplassar og til aktuelle samarbeidpartar i lokalmiljøet
• Vurder plakatar/oppheng på idrettslaget sine aktivitetsområde 
• Gi ekstra tydeleg informasjon til nøkkelpersonar som kasserar/økonomiansvarleg, barneidrettsansvarleg, gruppeleiarar, lagleiarar, trenarar og andre nøkkelpersonar/roller i idrettslaget   
• Send informasjon gjennom idrettslaget sitt medlemssystem
• Ha informasjon om ordninga på faktura som idrettslaget sender ut

Internt i idrettslaget: 

• Midlane bør stå på eigen bankkonto i idrettslaget sitt namn og vere ein del av idrettslaget sin rekneskap. Bankkontoen skal disponerast av to personar i fellesskap. 
• Støtte til inkluderingsfond i idrettslag må førast mot ein balansekonto i rekneskapen
• Bruk av fondet førast ut av bank og mot balansekontoen
• Ved intern overføring (døme med treningsavgift), inntektsførast beløpet i den einskilde gruppa og mot denne balansekontoen 

Døme på minimumsopplysningar i rekneskapen: 

Det skal ikkje takast med personopplysningar i rekneskapen for inkluderingsmidlane.

Rapport til Sparebankstiftinga Sogn og Fjordane: 

• Idrettslaget må levere rapport til Sparebankstiftinga Sogn og Fjordane på tildelte midlar
• Dersom tildelte midlar er brukt opp og dette er dokumentert gjennom rapport, kan idrettslaget søke om meir midlar til ordninga

Her kan du sjå informasjon frå idrettslag som har fått støtte frå inkluderingsfondet til Sparebankstiftinga Sogn og Fjordane, og korleis dei har gjort informasjonen tilgjengeleg på sine nettsider: 

IL Syril informasjon

IL Syril retningslinjer

Askvoll IL 

Blir oppdatert med fleire.